|
||||||
|
Payuk jigéen ju kekkerem faatu |
|
Soxna :
Assalaamu aleykum. Mbaa jàmm ngeenam ? Mbaa kër jàmm ? Bu ngeen gisée ma woo riiñoo suñu mbootaayu koñ bi, dama bëggóon ñu waxtaanee mbiri Ngóoné móomu ñu dëkkëlóon te mu wuyji boroomam ci ayi bés jii ñu génnée. Yal na ko Yalla xare Aljanna.Jenn jigéen :
Aamiin. Ngóoné déey, jigéen ju jàmbaare lawoon !Jenen jigéen :
Gannaaw bu jëkkërëm faatoo, mom do?? moo yoroon xale yi, di daanoo ka jog. Jëkkër ji, ndeysaan, masula mënë liggéey ndek wérëdi. Ngóoné daal moo bootoon njaboot gi yëp.Soxna :
Mu ngóok, mbiri xale yooyu sax laa bëggóon ñu waxtaanee. Ñeent ñaa ngi jàng ba tey te léegi lekkol ubbi. Xam naa ne moos seen tanta ji leen yore dana leen bëggë dimbëlé ci kubbitéeg lekkol gi, waaye la ñuy wara soxla yëp du ko attan. Te yéen ñép xam ngeen Ngóoné fi mu féetéwoon suñu mbootaay gi cib dundëm. Kon nak, léegi, ñun waa mbootaay gi, ñoo wara seet fu ñuy féetée ñi mu bayyi ginnaaw.Jenen jigéen :
Ngóone adunaam yëp la joxoon nit ñi : waa kërëm, jëkkërëm, ay doomam, ay dëkkëndoom, ak nguur gi itam, ndax foksineer lawoon. Dëgg lë, ñun duñu seetaan xaleem yi, waaye Nguur gi nak, ana nu muy def ?Jenen jigéen :
Nguur gi déy ragal naa ne du def dara ! Lu demee nii daloon na suma jabari cammiñ. Moomitam foksineer lawoon, daan fay Ipres ni liggéeykat yi yëp. Ba mu allaa teretee daan nañ ko fay, waaye bi mu faatoo, njabootam gu ndaw gi ken fayu leen dara ndax nguur gi nanguwul ne war nañ leena fay. Dañ ñu ne xale yu ndaw yi daal seen baay mooy ki leen wara gaddu ci yoon, kon nak su fi seen baay jogee bayyi leen fi, war nañ leena fay lañ daan fay seen baay. Waaye bu fekkee seen yaaya fi jogee, du tax ñu fay leen.Jenen jigéen :
Cëy ! Bii gënëlé ! Lóolu déy wuuté naak demokaraasi !Soxna :
Waaw, kon bu benenee di nañ ci mana waxtaanaat. Waaye fii ñu tollu, ana naka la ñuy lijjëntée njàngum xale yi ? Ndax nangu ngeen ñun ñép ñu dajale xaalis buñ yónnee tanta ji yor xale yi, dimbëlée ko ko ? Walla am ngeen benen xelaat bu ñu mana doxal buy wane ne ñun jigéen ñi xam nañ luy dimbëlante ci suñu diggënté ?